ગ્રામીણ બેન્કોનું ધિરાણ 10.3% વધીને ₹5.78 લાખ કરોડને પાર

દેશની Regional Rural Banks (RRBs)ના ધિરાણમાં નાણાકીય વર્ષ 2025-26 દરમિયાન મજબૂત વૃદ્ધિ નોંધાઈ છે. નાણા મંત્રાલયના જણાવ્યા અનુસાર RRBની કુલ બાકી લોન 2024-25ના આશરે ₹5.24 લાખ કરોડથી 10.3% વધીને 2025-26માં ₹5.78 લાખ કરોડથી વધુ થઈ છે. આ વૃદ્ધિમાં કૃષિ, MSME અને અન્ય પ્રાથમિકતા ક્ષેત્રોને આપવામાં આવેલા ધિરાણની મહત્વપૂર્ણ ભૂમિકા રહી છે.

કૃષિ ક્ષેત્રને ₹3.78 લાખ કરોડનું ધિરાણ

RRBના ધિરાણ પોર્ટફોલિયોમાં કૃષિ અને સંલગ્ન પ્રવૃત્તિઓ સૌથી મોટો હિસ્સો ધરાવે છે. આ ક્ષેત્રમાં બાકી ધિરાણ ₹3.78 લાખ કરોડ રહ્યું છે. કૃષિ ક્ષેત્રનો RRBના કુલ Priority Sector Lendingમાં 77% હિસ્સો રહ્યો છે, જે ગ્રામીણ વિસ્તારોમાં ખેડૂતો અને કૃષિ આધારિત પ્રવૃત્તિઓ માટે આ બેન્કોની મહત્વપૂર્ણ ભૂમિકા દર્શાવે છે.

MSMEને આશરે ₹67,000 કરોડ

ગ્રામીણ અને નાના ઉદ્યોગોને ધિરાણ આપવામાં પણ RRBની ભૂમિકા વધી છે. 2025-26 દરમિયાન MSME ક્ષેત્રમાં બાકી ધિરાણ આશરે ₹67,000 કરોડ રહ્યું છે.આ ધિરાણ ગ્રામીણ વિસ્તારોમાં નાના વ્યવસાયો, ઉદ્યોગસાહસિકતા અને રોજગાર સાથે જોડાયેલા ક્ષેત્રોને નાણાકીય સહાય પૂરી પાડે છે.

Priority Sector Lendingમાં મજબૂત કામગીરી

નાણા મંત્રાલય અનુસાર 2025-26 દરમિયાન RBIના Priority Sector Lending માળખા હેઠળ RRBની કામગીરી મજબૂત રહી છે.RRBના ધિરાણમાં થયેલો વધારો ખેડૂતો, નાના ઉદ્યોગો અને નાણાકીય સેવાઓની પહોંચ ઓછી હોય તેવા ગ્રામીણ વર્ગોમાં ધિરાણનો વિસ્તાર દર્શાવે છે.